Arzhur, Lañselod ha… Gwivred a Lambal
E 1525 ez embannas al levriour François Regnault, a oa un olifant arouez e stal e Pariz, un iskis a zastumad anvet : Ger-stur ardamezioù marc’heien an Daol-Grenn "qui estoient du temps du très renommé et vertueux roi Artus, roi de la grant Bretaigne, avec la description de leurs armoiries".
E-touez an ardamezoù faltazius-se, stag ouzh mojenn ar roue Arzhur, emañ reoù Gwivred a Lambal, 31añ marc’heg an Daol-Grenn (diwar 42). Evel Lañselod e oa hennezh ur marc’heg kantreour a Vreizh vihan, a varvas pa oa o klask ar Graal.