INA Atlantique

Gant an INA (Institut National de l’Audiovisuel, ensavadur Bro-Frañs ar c’hleweled) zo bet savet ul lec’hienn L’Ouest en mémoire, jalons pour l’histoire du temps présent (eñvorennoù deus ar C’hornôg, pazennoù istor an amzer a-vremañ).

En tammoù filmoù kinniget war al lec’hienn e klever kontañ deus darvoudoù e broioù ar C’hornôg a zo bet pennkaoz ar cheñchamantoù politikel, ekonomikel ha sokial, hag ivez deus darvoudoù chomet mat e soñj d’an dud, darvoudoù laouen (festoù er c’hêriadennoù) koulz ha diaes (tangwall e Parlamant Breizh pe en iliz-veur Naoned). Eñvorennoù tud broioù ar C’hornôg katolik int, tud ne c’haller ket lakaat da blegañ gwall aezet.

Filmoù an dastumadeg-se zo tu da welet dre ar Porched.